သေချာဖွင့်ထားတဲ့ကောင်းကင်

ရက်ရာဇာလေးတစ်ခု
တတိယခြေလှမ်း တိတိကျကျရောက်
အမေးအဖြေ
အသံတွေ ညီခဲ့
ပျော်စရာတွေ တနင့်တပိုး
ဒါကလည်း မြားတစ်ချောင်းဆိုတာ
ခဏ မေ့ .....

ရက်ရာဇာချည်းပဲ ဖွဲ့တည်ထားတဲ့ပြက္ခဒိန်
စိတ်ကူးသက်သက်ပဲဖြစ်နိုင်တယ် ဆိုတာ
နိမိတ်တစ်ခုက မီးထိုးပြ
အဲဒီနေ့ကပေါ့ .....
ပြာပြာသလဲကောင်ကို ခဲ(ဂဲ)တစ်လုံး တည့်တည့်ပြေးရိုက်
မျှော်ရာလမ်းမ
အမှောင်နဲ့ ကန်းသွားခဲ့

တွဲထားပါ .....
မြဲမြဲတွဲထားပေးပါ ..... `ချစ်သူ´
ခြေရာပေါ်မှာ တည့်တည့်ရပ်နိုင်ဖို့အင်အားက
တစ်ခြား ဘယ်သူ့လက်ဖျားမှာမှ မဖွင့်နိုင်လို့ပါ ..... ..... .....

ဒီဘက်မှာရပ်ပါ .....
ဒီဘက်ကို မြင်ပါ .....
ဟိုဘက်လမ်းက တို့နဲ့ ဆိုင်မှမဆိုင်တာ ချစ်သူရယ် .....

တွဲသွားမယ့်လမ်းအတွက်
မြဲထားမယ့် လက်တွေကို
ယုံတယ် ..... ယုံကြည်ပါတယ် ..... ချစ်သူ

နတ်ဘုရားတိုင်းကို ပြောပြလိုက်မယ်
ကိုယ့်အတွက်
တောင်ပံမလို ... တေးသံသာမလို
ကိုယ်က ဥသြငှက်ဖြစ်ခွင့်ကို ငြင်းချင်တဲ့သူပါ .... ငြင်းပယ်မယ့်သူပါ .....

ဘယ်တော့မှ မပြေးထွက်သွားမယ့်
ခြေရာအတွက်
ဘာနဲ့မှ ပိတ်ကာဆီးတားဖို့မကြံဘဲ
ကိုယ် .......
စုံမှိတ်ပစ်လိုက်ပြီ ..... ..... ......

တွဲထားပေးပါ .....
မြဲမြဲ တွဲထားပေးလှည့်ပါ ..... `` ချစ်သူ ´´

(နေနှင်းစက်)